O'zbekiston Respublikasi

Davlat soliq qo'mitasining

Soliq akademiyasi

 

gerb

   sitemap

 

 

"Shunga erishmog'imiz kerakki, har bir soliq to'lovchi, u xoh jismoniy, xoh yuridik shaxs bo'lsin, soliq to'lashdan bo'yin tovlamasdan, daromadlarini yashirishga urinmasdan, aksincha, o'z ishlab chiqarishini rivojlantirish va daromadini oshirishga intilsin"   I.A.Karimov. 

Home  /  Yangiliklar  /  “Kamolot” YoIHning Soliq akademiyasidagi boshlang`ich tashkiloti hisobot-saylov yig`ilishi bo`lib o`tdi.

“Kamolot” YoIHning Soliq akademiyasidagi boshlang`ich tashkiloti hisobot-saylov yig`ilishi bo`lib o`tdi.

« Back

“Kamolot” YoIHning Soliq akademiyasidagi boshlang`ich tashkiloti hisobot-saylov yig`ilishi bo`lib o`tdi. 20.02.2016 22:05

Muhtaram Prezidentimiz Islom Karimov “Kamolot” yoshlar ijtimoiy harakati tashkil topgan ilk kunlardanoq, uning faoliyatini qo’llab quvvatlab, “Kamolot – yoshlarning chinakam suyanchi va tayanchi bo’lsin!”, deya tilak bildirgan edilar. O’tgan vaqt davomida harakat keng miqyosda samarali faoliyat olib borayotgani bugun hech kimga sir emas. Harakat tizimlaridagi boshlang’ich tashkilotlar soni 14877 ta, 15-30 yoshdagi a`zolar soni 4093395 nafarni tashkil etmoqda. Birgina yuqoridagi raqamlarning o’zigina harakat faoliyatining nechog’lik muhim ahamiyat kasb etayotganligini ko’rsatmoqda.

Yangi 2016-yilni puxta rejalar bilan boshlash va yakunlangan davrni sarhisob qilish maqsadida harakatning hududiy Kengashi tomonidan joylarda qator tadbirlar tashkil etilmoqda. Jumladan, 2016-yil 17-fevral kuni Soliq akademiyasida “Kamolot” YIH boshlang`ich tashkiloti hisobot-saylov yig`ilishi bo`lib o`tdi. Hisobot-saylov yig’ilishida 2015 yilda amalga oshirilgan ishlar va 2016-yilga mo`ljallangan ish rejasini tasdiqlash yuzasidan qarorlar qabul qilindi.

Boshlang’ich tashkilotning 100 nafar delegatdan 100 nafar delegatlari ishtirok etayotganligi ta`kidlanib, yig’ilish vakolatli deb e`lon qilindi. Yig`ilishni Soliq akademiyasi  Ma`naviyat va ma`rifat ishlari bo`yicha prorektor B.Tuxliyev  olib bordi.

Yig`ilishning belgilangan tartib-qoidalar asosida o`tishini nazorat qilish maqsadida           4 kishidan iborat tarkibda yig`ilish hay`ati shakllantirildi. Uning tarkibiga Ma`naviyat va ma`rifat ishlari bo`yicha birinchi prorektori – Tuxliev Bozor Karimovich, “Kamolot” YIH ning Uchtepa tuman Kengashi tashkiliy kadrlar bo`limi boshlig`i- Yaratov Jamil Vasilievich, “Soliqlar va soliqqa tortish” tortish fakulteti dekani  Valiev Abbosxon Akmalovich,  2-kurs talabasi Ergashev Sardorlardan iborat tarkibda yig`ilish Hay`ati saylandi.  Yig`ilish kotibiyati tarkibiga 2-bosqich talabalari (Z.Mirzaahmadova va M.Begbutova)lar saylandi.

Yig’ilish reglamenti tasdiqlanib, unga ko’ra kun tartibidagi birinchi masala, ya`ni 2015-yil yakunlari bo’yicha akademiya boshlang’ich tashkiloti yetakchisining hisoboti eshitildi, hamda yig’ilish qatnashchilari tomonidan qoniqarli deb to’ildi. Harakat faoliyatida yo’l qo’yilgan ayrim kamchiliklar haqida atroflicha fikr yuritildi va bu bo’yicha tegishli xulosalar chiqarildi.

Kun tartibidagi ikkinchi masala yuzasidan  Boshlang`ich tashkilot Kengashi a`zoligiga akademiya talabalaridan 2-kurs talabalari SH.Xayrullaev, X.Maxmudov, M.Sunnatov, S.Ergashev, S.Mirzaliev, 1-kurs talabalari X.Yusufjonov,  M.Murtozaev,   3-kurs talabasi A.Tilloev nomzodlari taklif etildi hamda delegatlar tomonidan saylandi.

Boshlang`ich tashkilot yetakchiligiga akademiya Ma`naviyat-ma`rifat va iqtidorli talabalar bilan ishlash bo`limi uslubchisi Turaqulov Temirjon To`lqin o`g`li hamda 2-kurs ST-141 guruh talabasi Sobirov Shoxboz Sohibqiron o`g`li nomzodlari taklif etildi. Nomzodlarning saylovoldi dasturi eshitildi. So`ng, ularning nomzodi ovozga qo`yilib,  70 foiz ovoz bilan T.Turaqulov boshlang`ich tashkilot yetakchiligiga saylandi. Shuningdek, yig`lishda Harakatning Soliq akademiyasi “Soliqlar va soliqqa tortish” tortish fakulteti yetakchiligiga 2-kurs ST-141 guruh talabasi Sobirov Shoxboz Sohibqiron o`g`li nomzodi ovozga qo`yildi va tasdiqlandi.

Kun tartibidagi uchinchi masala yuzasidan yangi saylangan boshlang`ich tashkilot yetakchisi T.Turaqulov axborot berib o`tdi. Boshlang`ich tashkilot faoliyatining 2016-yildagi ustuvor masalalari (ish rejasi) ovozga qo`yilib, delegatlar tomonidan bir ovozdan ma`qullandi.

Hisobot-saylov yig`ilishida  akademiya iqtidorli talaba yoshlaridan shakllantirilgan  delegatlar faol ishtirok etishdi.

SAM_0888

SAM_0916

SAM_0892

SAM_0928

SAM_0917

SAM_0921